ICT at ESLSE


Information Communication Technology at ESlSE

የኢትዮጵያ የባህር ትራንስፖርትና ሎጂስቲክስ አገልግሎት ድርጅት የሚያከናዉናቸዉን ስራዎች በ ICT ከመደገፍ አኳያ የቀድሞ ድርጅቶች የነበሯቸው እና ከዛም በኋላ በተለያዩ ጊዜያት በውስጥ አቅም የተሰሩ ሲስተሞችን በመጠቀም ተግባራቱን ሲያከናዉን ቆይቷል፡፡

እነዚህ ሲስተሞችም በሶስት አይነት የሚመደቡ ሲሆን በዝርዝር የሚከተሉት ናቸዉ 

  1. የሺፒንግ ዘርፍ አገልግሎትን ለመደገፍ የሚገለገልባቸዉ ከዉጭ የተገዙ እና off the shelf የሆኑ ሁለት ሲስተሞች
  2. የጭነት ማስተላለፍ እና ወደብና ተርሚናል ስራዎችን ለማገዝ በዉስጥ አቅም የተገነቡ ዋና ዋና   ሲስተሞች
  3. የተለያዩ ተግባራትን ለማከናወን የሚረዱ አነስተኛ ሲስተሞች እንዲሁም መረጃን ለድርጅቱ ደንበኞች እና ሰራተኞች ለማድረስ ድረገጽ እና የዉስጥ መረጃ ፖርታል  ናቸዉ፡፡

እነዚህ ሲስተሞችም የድርጅቱን መረጃዎች ከመረጃ ማራገፊያ የባህር ወደብ መዳረሻ ስፍራዎች እንዲሁም በዋና መስሪያ ቤት እና ቅርንጫፎች የእለት ከዕለት የኦፕሬሽን እና ተጓዳኝ ለሆኑ (የፋይናንስ የሰዉ ሀይል አስተዳደር ግዢ እና ንብረት ስራዎችን የሚደግፉ እንዲሁም መረጃዎችን ለደንበኞች ለማድረስ የሚያገለግሉ ሲስተሞች ናቸዉ፡፡

ሆኖም ዘመኑ ከደረሰበት ቴክኖሎጂ እና የሎጂስቲክስ አገልግሎት ከሚፈልገዉ የተቀናጀ እና ዘመናዊ የመረጃ ቴክኖሎጂ አንጻር ድርጅቱን በዓለም አቀፍ ደረጃ ተወዳዳሪና ውጤታማ ሊያደርገው የሚችል ዘመናዊ የኢንፎርሜሽን ኮሙኒኬሽን ቴክኖሎጂ ስትራቴጂና የድርጅቱን አጠቃላይ Business Requirement በማጥናት ዘመናዊና ደንበኛ/ተገልጋይ ተኮር የሆነ የኢንፎርሜሽን ቴክኖሎጂ አሠራር የሚተገበርበትን መንገድ  በማሳየት ድርጅቱን ለማዘመን ሁሉንም የስራ ዘርፎች ሊያገለግል በሚችል ሁኔታ ICT Strategy & Requirement Definition Study ጥናት እንዲከናወን አድርጓል፡፡

ጥናቱ ያሉትን ችግሮች በመለየት፣ የድርጅቱን የ Business Requirement በማሳየት፣ የአይሲቲ ስትራቴጂው መዳረሻ አድርጎ ሊሰራባቸው የሚገቡትን የሚከተሉትን የአይሲቲ ስትራቴጂና ግቦች አስቀምጧል፡፡

  1. የቢዝነስ ኦፕሬሽን ሲስተም መገንባት

በድርጅቱ የኦፕሬሽን ስራ ላይ የተሰማሩ የስራ ዘርፎች ማለትም የሺፒንግ፣ የደረቅ ወደቦችና ተርሚናል፣ የጭነት አስተላላፊነት የተሳለጠ የሎጂስቲክስ አገልግሎት ከአንድ ቦታ ለመስጠትና በስራ ክፍሎች መካከል የመረጃ ፍሰት ማቀላጠፍ የሚችል ሲስተም በመገንባት የኦፕሬሽን መረጃን በማካፈል የኦፕሬሽን ወጪን መቀነስ፤

  • የኢንፎርሜሽን ማኔጅመንት ሲስተም መመስረት

ለድርጅቱ ወሳኝ የሆኑ የፋይናንስ፣ የሰው ኃይል፣ የግዥ፣ የንብረት፣ የኦዲት የማኔጅመንት ዲጂታል ሲስተሞችን በማዕከል በመመስረት ለሁሉም የድርጅቱ የስራ ክፍሎች አገልግሎት እንዲሰጡ ማድረግ፤

  • አገልግሎት ሲስተም መመስረት

ኢባትሎአድ የሚሰጠው የሺፒንግና ሎጂስቲክስ አገልግሎት ደንበኛ ተኮር ሆኖ ውጤታማና ቀልጣፋ እንዲሆን፤ ድርጅቱ ራሱን የቻለ የደንበኞች ግንኙነት ማኔጅመንት ሲስተም ሊኖረው ይገባል፡፡ በመሆኑም የደንበኞች ግንኙነት ማኔጅመንት ሲስተም መመስረት፡፡

  • ትንተናና ውሳኔ አጋዥ ሲስተም መመስረት /Real time /

ከየሲስተሞቹ የሚገኙ መረጃዎችን በመተንተንና በማጠቃለል ወቅታዊ፣ በትክክለኛ መረጃና እውቀት ላይ የተመሰረተ ውሳኔ ለመወሰን የሚያስችል ሲስተም መመስረት፡፡

  • ኦፕሬሽኑን በተሟላ ሁኔታ ሊያግዝ የሚችል ኢንፍራስትራክቸር መገንባት

የሲስተም ኦፕሬሽኑ የሚፈልገውን የአይሲቲ ኢንፍራስትራክቸር ደረጃውና ደህንነቱ በተጠበቀ ሁኔታ መመስረት፡፡

እነዚህን ግቦች በማሳካትም ድርጅቱን በቴክኖሎጂ ለማዘመን እንቅስቃሴ የተጀመረ ሲሆን በስትራቴጂዉ ከተቀመጡት ግቦች ዉስጥ በቅድሚያ መሰራት አለበት ተብሎ የተለየዉን ለማሳካት የ ERP ፕሮጀክት ተቀርጾ በዘርፉ ታዋቂ ከሆነ ኩባንያ ጋር ስምምነት በማድረግ የተመረጡ የፋይናንስ፤ሠዉ ኃይል፤ግዢ እና ንብረት አስተዳደር፤ኦርደር ማኔጅመንት እና ዌርሀዉስ ማኔጅመንት Oracle Cloud Application ሞጁሎች ትግበራ ሂደት ዉስጥ በመግባት የተለያዩ ስራዎችን ተከናዉነዉ ስራ እንዲጀምር ተደርጓል፡፡በአሁኑ ወቅት በERP ፕሮጄክት በስራ ላይ የዋሉ ሞጁሎችን አጠቃቀም ለማሳደግ እየተሰራ ሲሆን በቀጣይም ሌሎችን ግቦች የሚያሳኩ ሲስተሞችን ለመተግበር ታቅዷል፡፡